Критична состојба во Стенковец: Пожарот се спушта од Скопска Црна Гора, закана за бензински пумпи

Голем пожар се шири во реонот на Стенковец, при што огнената стихија се спушта од правец на Скопска Црна Гора. Според очевидци, пламените јазици се приближуваат до бензинските пумпи БЕСА и ДИЗЕЛ, што создава сериозна закана од можна експлозија.

„Ситуацијата е критична. Пожарот е веднаш до бензинските. Во опасност се и луѓето и целиот регион,“ велат граѓани кои се на теренот и апелираат за итна интервенција.

Поради сувото време, силниот ветер и тежок терен, пожарот брзо напредува, а ризикот за поширока еколошка и материјална штета е огромен.