Мицкоски и Муцунски импровизираат со фактите кога велат „ја сменивме валутата“

Премиерот Христијан Мицкоски и министерот за надворешни работи и надворешна трговија Тимчо Муцуснки, не престануваа да импровизираат со фактите кога најчесто пред странските медиуми или на мултилатерални настани говорат за отстапките што ги правела Македонија во обидите да се најде решение за деблокирање или забрување на евро-атлантските интеграции на земјата.

Како напамет и синхринизирано и двајцата ги повторуваат истите фрази. Последен пример е интервјуто на Муцунски за време на Советот на министри за надворешни работи на НАТО во Брисел.

„Го сменивме знамето, ја сменивме валутата, неколку пати го менувавме Уставот, дури и го сменивме името на нашата земја. Сето тоа со ветување за прозорец на можности за кој ни беше кажано дека постои ако ги направиме овие промени за нашиот пат кон Европската унија“, изјави министерот за надворешни работи Тимчо Муцунски за Еуроњуз.

Мицкоски ги репризираше истите фрази за  време на дебатата организирана од страна на Конференцијата за конзервативна акција во Вашингтон од страна на Републиканската партија.  

„Станавме членка на НАТО. Но, пред да станеме членка на НАТО, го сменивме знамето, ја сменивме валутата, го сменивме Уставот и го сменивме името, бидејќи некои наши соседи пред нас станаа членка на НАТО и тие ја користеа – или злоупотребија – алатката на вето за решавање на билатерални барања“, рече тогаш Мицкоски.

И двајцата импровизираат со фактите кога велат „ја сменивме валутата“, наспроти објективната вистина и факт дека Македнија никогаш не ги сменила парите, валутата, под притисок на соседи или како услов за интеграција, а во тој контекст зборат Муцунски и Мицкоски.

Еве што велат фактите и блиската историја на монетарното осамостојување и политика на нашата земја.

Од вредносни бонови до македонскиот денар

Монетарното осамостојување е процес на прецизирање на државниот суверенитет во областа на монетарните финансии, тука вклучувајќи и создавање на национална валута. Тоа се вршело во најголема тајност веднаш по прогласувањето на независноста и донесувањето на Уставот.

Прогласувањето се случило на 26 април 1992 година, кога првиот премиер на нашата држава, Никола Кљусев од говорницата на парламентот ги презентирал првите пари – денари. Името на македонскиот денар води потекло од римскиот збор „денариус“. Само три дена подоцна, на 29 април 1993 година, југословенските динари официјално престанале да важат како платежно средство во Македонија.

Но, на овој процес на целосно монетарно осамостојување, тогашната експертска влада, само два месеци по прогласувањето на независноста, започна процесот на печатење и дистрибуција вредносни бонови како привремено платежно средство. На 7 февруари 1992 г. во трезорите на НБМ се депонирани 27.858.696 парчиња вредносни бонови, отпечатени во печатницата „11 Октомври“ од Прилеп. Боновите се издадени во апоенска вредност од 10, 25, 50, 100, 500 и од 1 000 единици со унифициран дизајн и со различна боја. На предната страна на боновите македонски денар (аверс/реверс)  беа претставени тутуноберачи, а на задната страна е споменикот „Македониум“ во Крушево.

Сегашниот изглед непроменет од 1996-та

Сегашниот изглед на денарот е воведен на 8-ми Септември 1996-та, на петгодишнината од македонската независност.

Сегашните македонски банкноти содржат повеќе заштитни елементи како што се воден печат, заштитен конец, скриена слика, микро текст, двоен пасер и оптички променлива боја.

Банкнотите имаат симболи и претстави кои го изразуваат културно историското наследство на Македонија, а идејното решение е на ликовниот уметник Билјана Унковска избрано на јавен конкурс.

З.Б.