Намален извозот од Македонија во првите четири месеци од 2025 година

Во периодот од јануари до април 2025 година, вкупната вредност на извозот на стоки од Република Северна Македонија изнесувала 160,2 милијарди денари, што претставува намалување од 1,5 % во споредба со истиот период лани, соопшти Државниот завод за статистика.

Во истиот период, вредноста на увозот достигнала 229,4 милијарди денари, што е пад од 0,8 % во однос на првите четири месеци од 2024 година.

Најголеми трговски партнери на земјава остануваат Германија, Велика Британија, Грција, Србија и Кина, со кои е остварена 46,8 % од вкупната надворешнотрговска размена. Земјите членки на Европската Унија учествуваат со 60,6 % во вкупната трговска размена на Македонија.

Извоз (јануари – април 2025 во однос на истиот период 2024):

160,2 милијарди денари: ▼ 1,5 %

2,6 милијарди евра: ▼ 1,5 %

2,79 милијарди американски долари: ▼ 2,5 %

Увоз (јануари – април 2025 во однос на истиот период 2024):

229,4 милијарди денари: ▼ 0,8 %

3,73 милијарди евра: ▼ 0,8 %

3,98 милијарди американски долари: ▼ 2,0 %