Skip to content
Во последната недела од ноември претставници од Бугарија треба да дојдат во Скопје за да продолжат разговорите за железничкото поврзување, изјави министерот за транспорт и врски Александар Николоски.
– На последниот состанок во Софија, согласно официјалниот записник, договорено е е дека треба да се направат две работи. Првата работа којашто треба да се направи е да се направи заедничко проектирање за тунелското решение коешто треба да ги поврзе двете држави, втората е заеднички да се избере изведувач, што е единственото логично што може да се направи, и третата работа е во однос на делот од македонска страна да се направи ревизија на проектот и на цените, затоа што мислам дека никој не е наивен да верува дека 24 км треба да чинат 560 милиони евра – рече Николоски одговарајќи на новинарско прашање на дебатата што ја организираше Сојузот на стопански комори по повод нејзиниот 20-ти роденден.
