Од конференцијата „Одбрана на демократијата“: Дезинформациите се закана, домашните актери да не ги засилуваат

Заканите по демократијата и човековите права се во пораст со војните и експанзијата на авториотарните режими и граѓанските активисти и прогресивните политичари се повикани да одговорат на овие предизвици, е првата порака од отворањето на Меѓународната конференција „Одбрана на демократијата“ на Цивил – Центар за слобода и Медиа Дијалог од Германија.

Во поздравните говори на конференцијата Натанаел Лимински, министер за федерални, европски, меѓународни прашања и медиуми на покраината Северна Рајна-Вестфалија и шеф на државната канцеларија на оваа германска република ја истакна исклучително важната улога на новинаритеб и медиумите во борбата за одбрана на демократијата и ја нагласи соработката со Северна Македонија за зајакнување на отпорноста на медиумскиот сектор.

Амбасадорката на СР Германија Петра Дреклсер, потсети дека демократијата и човековите права се во основата на ЕУ и дека прогресивната јавност е соочена со голем предизвик.

Амбасадорката стави акцент на заканите по демократијата што доаѓаат од дезинформациите.

„Во време кога лошите вести не престнауваат да доаѓаат, дезинформациите се дополнителна закана. Најголлем број доаѓаат од Русија и треба да се онезвоможи нивното засилување од домашните медиуми и актери“, предупреди амбасадорката на Германија Дрекслер.

Таа потенцираше дека одбраната на демократијата и човековиоте права е заеднички интерес на Северна Македонија и на СР Германија имајќи предид дека европската перспектива на Западен Балкан е стратешки интерес и на Германија.

Организацијата на меѓународната конференција „Одбрана на демократијата“ на Цивил – Центар за слобода и Медиа Дијалог од Германија ја поздрави и Вилма Дембраускине, амбасадорка на Литванија во нашата земја, којашто истакна дека конференцијата не може да биде поактуелна во време на сериозни закани кои ги поткопуваат демократските темели на општествата.

„Да работиме на зајакнување на институциите, тоа е значајно и во процесот на евроинтеграциите“, рече амбасадорката на Литванија.

Таа нагласи дека Литванија останува браник пред авторитаризмот кој доаѓаа од Русија и Белорусија и во поддршка на борбата на Украина.

„Солидарноста со сите во оваа борба, со земјите на ЕУ и САД останува заедничка обврска за сите иоваа конференција покажува дека сме на добар пат и дека сме подготвени да јабраниме дмократијата“, рече Вилма Дембраускине, амбасадорка на Литванија на Меѓународната конференција „Одбрана на демократијата и на човековите права“ на Цивил – Центар за слобода и Медиа Дијалог од Германија.