Општина Центар: Дератизацијата е безбедна, дезинформациите шират паника

Општина Центар ги демантира тврдењата дека редовната дератизација претставува ризик за домашните миленици.

Од локалната самоуправа посочуваат дека активностите ги спроведуваат исклучиво стручни екипи од Центарот за јавно здравје, со безбедни методи и средства што не се закана за кучињата, мачките и другите животни.

„Ги повикуваме граѓаните да не веруваат на шпекулации и неточни информации што се шират од неквалификувани лица или организации. Таквите дезинформации создаваат непотребен страв и вознемиреност во јавноста“, порачуваат од Општината.