Skip to content
Тинејџерот, кој се здоби со тешки изгореници од струен удар додека на 16 јануари се качувал на ваго – цистерна на железничка станица во Кисела Вода, вчера попладне почина, и покрај напорите на медицинските тимови да го спасат, објави МТВ.
17-годишникот од Волково беше примен во Клиничкиот центар „Мајка Тереза“ со сериозни телесни повреди, а лекуван е од специјалисти од пластична и торакална хирургија.
Истражните органи се уште истражуваат зошто малолетникот решил да се качи на паркиран вагон, но неофицијално веројатно имал намера да сними Тик-ток видео или да учествува во меѓуврснички предизвик.
Психолозите предупредуваат на опасностите од ваквите предизвици и истакнуваат важноста на информираноста за последиците по здравјето. Во сличен случај во 2022 година, 17-годишна девојка од Маџари доживеа тешки изгореници од струен удар, а пред две години пак 14-годишно девојче загинало во обид да сними Тик-ток видео на сличен вагон.
