Skip to content
Љубителите на кафе наскоро би можеле да се соочат со зголемени цени, бидејќи цената на зрната кафе на глобалните пазари достигна највисоки нивоа досега. Зрната Арабика, кои доминираат во светското производство, сега се продаваат за повеќе од 3,44 долари по фунта, што претставува раст од над 80% оваа година. Цената на робуста исто така порасна за над 60%, објави Би-би-си. Последен пат, ваков рекорден скок се случи во 1977 година, кога снежни врнежи ги уништија плантажите во Бразил.
Овој пораст се должи на неповолни временски услови во Бразил и Виетнам, најголемите производители на кафе во светот. Производителите, кои досега ги апсорбираа зголемените трошоци, сега се принудени да ги префрлат врз потрошувачите. Експертите предвидуваат дека повеќето брендови ќе ја зголемат цената на кафето во супермаркетите, со што европските компании планираат покачувања до 10% уште на почетокот на 2025 година.
Некои големи производители, како „ЏДЕ Пета“, веќе најавија просечно зголемување на цените од 30% во Бразил, според документи до клиентите, објави Н1 Хрватска.
Со оглед на глобалниот тренд, љубителите на кафе би можеле да ја почувствуваат оваа промена многу скоро.
