Skip to content
Пожарот кој вчера изби на територијата на општина Желино во атарот на с. Церово а подоцна во вечерните часови се прошири во насока на месноста Карпалак покрај автопатот Скопје – Тетово, е целосно изгаснат, соопшти директорот на Дирекцијата за заштита и спасување Стојанче Ангелов.
Врз него од тетовската страна дејствувале ТППЕ Тетово и од скопската страна БППЗ Скопје.
Ангелов изрази голема благодарност до тетовските и скопските пожарникари кои во ноќни услови успеаја да го изгаснат овој голем пожар кој во делови се одвиваше на тешко пристапен терен.
Во текот на вчерашниот ден целосно се изгаснати 29 пожари на отворен простор. Во овој момент 4-те активни пожари на отворен простор се под целосна или делумна контрола.