Пратеникот Бране Петрушевски не се појави на средбата со синдикалецот Трендафилов

Лидерот на Сојузот на синдикати на Македонија, Слободан Трендафилов, објави дека денеска напладне бил во Собранието за средба со пратеникот од ВМРО-ДПМНЕ, Бране Петрушевски, но тој не се појавил.

Во изминатата недела, Петрушевски на прес-конференции го обвинуваше Трендафилов дека е поставен од СДСМ со цел да бара минимална плата од 500 евра и дека е координиран со опозициската партија.

Како одговор, вчера Трендафилов најави дека лично ќе го бара Петрушевски во Собранието за да се договорат – но не за 500, туку за 550 евра минимална плата. Тој истакна дека зголемувањето од 12,6 % е во интерес на работниците и дека ќе побара одговорност од сите кои се спротивставуваат на тоа.

„Доколку Петрушевски одбие, ќе биде првиот пратеник од кој ќе побараме оставка, затоа што зема плата од сите нас“, изјави Трендафилов.