Притисокот на средношколците успеа, МОН се повлече, матурата ќе се полага во училиштата

Од Сојузот на Средношколци информираат дека Министерството за образование и наука и Државниот испитен центар го прифатиле барањето државната матура да се полага во училишните простории наместо во амфитеатрите на факултетите, како што беше претходно најавено.

Согласно оваа одлука, матурантите ќе полагаат во своите училишта, под услов тие да ги исполнуваат потребните стандарди за спроведување на испитите. За училиштата кои не ги исполнуваат овие услови, Државниот испитен центар ќе овозможи алтернативни простории врз основа на доставени барања од страна на засегнатите училишта.

Директорката на Државниот испитен центар (ДИЦ) Даниела Михајловска Јовчевска, за Мета во поранешна изјави посочи дека се прибираат податоци од сите градови за бројот на матуранти, а во исто време се договараат и се преговара и со универзитетите, за да се овозможи државна матура да се полага во амфитеатрите.

Средношколците не беа задоволни од овие изјави дека треба државната матура да се полага на УКИМ во Скопје, и на УГД во Штип. Па така испраќаа барања, државната матура да си се полага како досега во нивните простории.

Извор: Мета.мк