Променливо време со дожд и засилен ветер – нестабилен период пред нас

Денешниот ден носи променливо облачно време со локални врнежи од дожд, особено во попладневните часови. Ќе дува умерен до засилен јужен ветер.

Температурите ќе се движат од 0 до 6 степени во утринските часови, додека максималните дневни вредности ќе достигнат од 12 до 19 степени.

Во Скопје, исто така, се очекува променливо облачно време со повремен дожд и умерен јужен ветер. Утринската температура ќе биде околу 4 степени, а дневната ќе се искачи до 19.

Според информациите од УХМР, под влијание на влажни воздушни маси од југ, следува период на нестабилно време со чести врнежи и засилен јужен ветер. Локално, дождот ќе биде пороен, проследен со грмежи и силни налети на ветер со брзина над 60 км/час. Најинтензивни врнежи се очекуваат во средината на наредната седмица, кога на одделни места може да наврнат над 20 литри дожд на метар квадратен во рок од 24 часа.