Skip to content
Професорот Гордан Калајџиев кој до неодамна беше дел и од Комисијата за помилување на претседателката Гордана Сиљановска-Давкова, во статус на социјалните мрежи побара од антикорупционерите да си поднесат оставка откако Државната комисија за спречување на корупција (ДКСК) констатира дека нема основа за постапување по пријавата за судир на интереси и корупција при именувањето на директорот на Агенцијата за национална безбедност, Бојан Христовски.
На исто мислење е и поранешната претседателка на ДКСК, Билјана Ивановска. Таа во телевизиско гостување рече дека Собранието треба да ја разреши Ристовска од ДКСК и Обвинителството да ја преиспита нејзината работа.
Како што е познато Цвета Ристовска, членка на ДКСК го работеше случајот со дипломата на директорот на Агенцијата за национална безбедност (АНБ), Бојан Христовски, по што беше објавено дека таа соработувала со факултеот од каде што шефот на тајната полиција има диплома.
Според Билјана Ивановска, доколу ДКСК сака да ја врати довербата кај граѓаните, предметот веднаш треба да биде отстапен кај друг член на Комисијата, а не тој и понатаму да биде во рацете на Ристовска.
