Секој обид за менување на државните симболи е антимакедонски и антидржавен чин, стои во платформата на ЗНАМ

ЗНАМ досега јавно не излегоа со став околу прашањето а промена на државниот грб и на химната на Република Северна Македеонија, иако во коалицијата во која тие се дел од Владата веќе наголема се заговара за промена на државните симболи.

Рацин.мк упати прашање до пратеникот и член на ИО на ЗНАМ Бобан Карапејовски, но до објавувањето на овој текст тој не возврати со одговор.

Инаку во Платформата за национално обединување на ЗНАМ што им ја понудија за прифаќање на колиционите партнери јасно стои:

„Државни симболи на РС Македонија се државниот грб, знаме и химна и истите можат да се употребуваат во согласност со законските одредби и на начин со кој не се нарушува угледот и македонското национално достоинство. Секој акт на непочитување, оспорување, сквернавање, омаловажување, вандализам или обид за менување, на внатрешен или надворешен план, Собранието со индигнација и во целост ќе го отфрли и јавно ќе го осуди како смислен антимакедонски и антидржавен чин.“

Целата дебата околу државните симболи доаѓа откако премиерот Христијан Мицкоски рече дека не е лошо да се смени државниот грб зашто асоцирал на комунистичкото минато, коалицискиот партнер Билал Касами, отиде два чекори понапред. Смета дека ‘не само грбот туку и химната треба да се менува, а албанскиот јазик треба да влезе во Уставот – ова е ставот но и пакетот за кој Вреди ќе разговара со Христијан Мицкоски, зашто ова биле европски вредност.

„Сакаме да го отсликаме новото време, а тоа е Македонија да биде дел од европското семејство. „Ќе бевме подготвени да разговараме за пакет каде што секако ќе се разгледуваше грбот, прашањето за химната, но и прашањето за другите уставни измени поврзани со унапредувањето на албанските права или прашањето за несоодветното дефинирање на албанскиот јазик во уставот, како јазик на 20 отсто“, рече Касами.