Сиљановска Давкова по Советот за безбедност: Нема причини за загриженост, нашите граѓани во заливот се безбедни, се бара начин за нивна евакуација

Претседателката на државата Гордана Сиљановска Давкова во изјава за медиумите по состанокот на Советот за безбедност истакна дека „нема причини за загриженост, нашите граѓани во заливот се безбедни и се бара начин за нивна евакуација.

Како што кажа, министерот за надворешни работи информирал за растечки број на македонски граѓани во регионот на заливот и Блискиот исток кои бараат информации за евакуација и заштита. Таа рече дека во МНР е формиран штаб за евакуација и се бара начин да се евакуираат најдобро и најбезбедно во земјата.

„Луѓето се загрижени, над регионот небото е затворено за прелети. Постоеше опција за бродски транспорт од Катар, но и тоа сега не е во функција“, рече претседателката.

Таа нагласи дека е факт дека се згрижени и безбедни.

Претседателката Сиљановска Давкова рече дека според информациите што на Советот ги изнеле Агенцијата за национална безнедност, Агенмцијата за разузнавање, Министерството за одбрана и Генералштабот на АРМ, состојбата е стабилна и безбедна.

„Македонија не е озложена на нестабилност, ниту има ризик по безнедноста внатре и во регионот. Имаме систем за рано предупредување и за координица со сите органи, поврзан со постојаното следење на сстојбните. Институциите ја следат состојбата, анализираат, координираат, информираат и оценката за стаблиноста и безбедноста релевантна“; рече претседателката на државата.

Ризиците редовно се следат и е воспоставена координација со НАТО и со ОН, како и со семјите во регионот.

Сиљановска Давкова рече дека се анализираат и следат ризиците за можното влијание на економијата и на енергенсите, но дека сега засега нема проблем.

„Како претседателка имам цврсто уверување, индитуцуионално и документирано дека нема зошто да се грижиме. Ќе следиме и ќе рагираме соодветно“, рече таа.

Претседателката информираше дека под посебен безбедносен режим се и синагогите и музејот на холокаустот како места кои треба да бидат под надзор и заштита, дека се под контрола и дека не се очекува изненадување.

На крајот претседателката Гордана Сиљановска Давкова рече дека во вакви моменти кога брзо се менуваат настаните работата на новинарите е посебно важна и дека сега засега е се како што треба.