Со минимум инспекции Северна Македонија сака да увезува отпад од ЕУ

Се бара увоз на отпад од Европа, а државата нема систем за управување со домашниот отпад, алармираат граѓанските организации. Без соодветни контроли и недостиг на инспектори и лаборатории се зголемува ризикот за дополнителни злоупотреби и загадување

Северна Македонија бара да увезува отпад од Европската унија, иако сè уште нема воспоставено систем за безбедно управување – и со домашен и со увезен отпад, со што ги зголемува ризиците од злоупотреби и еколошки инциденти.

Ова се дел од реакциите на еколошките организации на барањето на државата до Европската комисија да увезува 18 типови на неопасен отпад. Нивните стравувања се поради слабите капацитети на државата да прави редовни контроли врз депониите, индустриските капацитети и транспортот на отпад.

Државниот инспекторат за животна средина работи со минимален број на кадар од 18 инспектори на ниво на цела држава, а половина од општините немаат ниту еден овластен инспектор за животна средина, вели Блаже Јосифовски од граѓанското здружение „Го Грин“.

„Во вакви услови, веројатноста некои пратки отпад да поминат незабележано или депонии со увезен отпад да не бидат често проверувани е висока. Дополнително, Македонија досега немала сопствена акредитирана лабораторија за анализа на отпадот. “, вели Јосифовски за Радио Слоободна Европа.

Целиот текст на Радио Слободна Европа