Skip to content
Со едноминутен молк во чест на загинатите во трагедијата во Кочани, Сојузот на синдикатите на Македонија (ССМ) денес ја започна својата прва јавна седница на улица. Претседателот на ССМ, Слободан Трендафилов, го прочита дневниот ред, кој беше едногласно усвоен од присутните.
„Оваа јавна седница ја одржуваме во исклучително тажни околности. Со едноминутно молчење да оддадеме почит на трагично загинатите во Кочани. Вечна им слава, а на повредените им посакуваме брзо закрепнување“, изјави Трендафилов.
Барања и пораки до Владата и Собранието
На дневен ред беа три клучни точки. Првата – пораката дека „не може да има за пратениците, а да нема за работниците“. Втората – предупредување дека „подадената рака од работникот денес може да стане стисната тупаница утре“. Третата – инсистирање дека „не може да се одлучува за работниците без работниците“.
ССМ останува на ставот дека минималната плата треба да изнесува 500 евра. За ова барање веќе доставиле предлози до Собранието и Владата, истакнувајќи дека нема да отстапат додека не се исполнат нивните барања.
