Skip to content
Светската банка предлага креирање предвидлива бизнис околина која ќе ги намали административните трошоци и ќе ги олесни процедурите за фирмите. Според нив, потребен е иновативен еко-систем што ќе ги доближи новите технологии и знаења до македонските компании, како и диверзифициран финансиски сектор кој ќе ја зголеми ликвидноста и инвестициската способност на фирмите.
Препораките беа презентирани на настан организиран од Комисијата за економски прашања во Собранието, со учество на претставници од институции, стопански комори и невладини организации.
Главни акценти од препораките:
-Бизнис околина: Намалување на бирократските процедури за фирмите и зголемување на транспарентноста.
-Финансиски сектор: Понуда на разновидни услуги за подобрување на ликвидноста на фирмите.
-Извоз и пазарна интеграција: Поддршка за диверзификација на извозот, со насочување кон повеќе пазари и производи, намалување на зависноста од германскиот пазар.
-Инвестиции: Привлекување странски инвестиции во високотехнолошки индустрии, наместо фокус на евтина работна сила.
Татјана Маркоска од Светската банка истакна дека македонскиот извоз е премногу концентриран во автомобилската индустрија и на неколку големи фирми, што носи висок ризик.
„Македонија треба да развие стратегија за привлекување инвеститори во сектори со висока додадена вредност и квалификуван кадар,“ рече Маркоска.
Предизвици и можности
Јавни услуги: Подобрување на дигитализацијата на царинските процедури и граничната инфраструктура.
Регулаторна рамка: Забрзување на издавањето дозволи за градење (моментално 180 дена) и намалување на времето за решавање спорови (осум месеци).
Даночна политика: Воведување на електронско поднесување даночни пријави и подобрување на услугите за бизнисите.
Валерија Пероти, менаџер во Светската банка, посочи дека Северна Македонија има добри практики во регистрирањето нови фирми, но има простор за подобрување кај јавните услуги и инфраструктурата.
Со овие реформи, Македонија може да привлече повеќе инвестиции и да ги поттикне фирмите кон поголема конкурентност на регионалниот и европскиот пазар.
