Трипуновски си припишува заслуги за тутунарите постигнати од неговиот претходник

Министерот за земјоделство, шумарство и водостопанство Цветан Трипуновски повторно си припишува заслуги што ги направиле претходната влада, односно ресорното министерство.

Овој пат во настап на една од националните телевизии се пофали дека тој како технички министер влијаел да се покачи цената на тутунот.

Така размислува Трипуновски и се обидува таа своја (не)вистина да ја наметне и во јавноста.

Но, факт дека до почетокот на претходната изборна година, Владата на СДСМ за секоја сезона на тутунот постигнуваше повисоки цени од претходните, а лани министер беше Љупчо Николовски.

Тутунарите, а и јавноста, многу добро се сеќаваат, дека минатата година во февруари беше последното зголемување на откупната цена за 35 денари, доаѓајќи до просечна цена од 365 денари по килограм.  За секој тутунар, покрај овие 365 денари откупна цена на тутунот, беа предвидени и по 100 денари по килогам, субвенција за предаден тутун од прва класа. Така, вкупната поддршка за прва каласа тутун лани беше 465 денари.

Дополнително, минатата година во февруари, за 20 денари по килограм беше зголемена субвенцијата по класи за предаден тутун.

Освен тоа, министерството за земјоделство лани креираше нови мерки за поддршка на тутунарите, основна субвенција по пријавена површина тутун, од 6.000 денари по пријавен хектар, а тутунарите се стекнаа и со право и за мерката зелена нафта, во износ од 12.000 денари по хектар.

Само тоа го зголеми производството на тутун, а не фалбите на актуелниот министер кој треба да знае дека оваа реколта, која сега ќе биде откупувана, е садена лани пред изборите, пред да стане Трипуновски министер.

Поточно договорите за расади, со кои пракитчно се утврдува количината на тутунот што ќе биде засаден, се прават во март, а на нива се сади во мај. Оваа влада е од јули.

Со други зборови Цветан Трипуновски ги призна и потврди успесите на неговиот претходник на Љупчо Николовски и СДСМ по однос на цената и производството на тутун.