Skip to content
Македонска државјанка, С.Г. (80) од Битолско, почина на плажата кај Свети Стефан во Црна Гора, откако ѝ се слошило додека пливала во морето.
Од полицијата во Будва ја потврдија трагедијата и соопштија дека извршиле увид на местото на настанот и ги информирале надлежните обвинителски органи.
Според извештаите од црногорските медиуми, туристката била во придружба на своето семејство и престојувала на плажата кога ѝ се слошило.
И покрај брзата интервенција на тимот за итна медицинска помош, обидите за реанимација не успеале.
Од извори блиски до семејството се дознава дека жената имала срцеви проблеми.
