Skip to content
Уставниот суд на 6. седница на која дискутираше по осум иницијативи за оценување на уставноста и законитоста и донесе пет одлуки за кои претходно поведе постапка.
Судот одлучи да поведе постапка за оценување на уставноста и законитоста на Одлука за промена на имиња на улици, плоштади, мостови и на други инфраструктурни објекти во Општина Тетово, донесена од Советот на Општина Тетово под бр.07-766/4 од 24.04.2007 година, објавена во „Службен гласник на Општина Тетово” бр.25/2007 од 26.04.2007 година.
Подносител на иницијативата за проверка на уставноста на одлуката на Општина Тетово е Општинска организација на сојуз на борци од Народноослободителната и антифашистичка војна на Македонија 1941-1945 и граѓаните продолжувачи од Тетово.
„Сојузот на борците од НОАВМ и граѓаните продолжувачи јавно ја поздравува одлуката на Уставниот суд да ја прифати иницијативата која беше поднесена на 11.02.2025 и да поведе постапка која ќе резултира со поништување на неуставната и незаконска Одлука на Советот на Општина Тетово. Со неа во 2007, со гласовите на советниците од сите претставени политички партии, се промени името на градскиот плоштад Маршал Тито и на десетина булевари и улици во градот кои носат имиња на јунаци и настани од антифашистичкото славно минато на македонскиот народ и глобалната антифашистичка коалиција. Живееме во време во кое промената на имињата на улиците кои носат имиња на македонските херои и јунаци од светската антифашистичка коалиција е јавно објавена цел на градоначалникот на Општина Тетово, кој за нив дава квалификација дека се од темното минато. Преку овој случај апелираме сегашниот состав на Советот на Општина Тетово да не се осмели, ниту да се обиде, да промени име на ниту една улица“, се вели во соопштението на Сојузот на борците од Тетово.
Со одлуката за поведување постапка, Уставниот суд практично ја отвора можноста за поништување на спорната одлука од 2007 година. Подносителите на иницијативата, меѓу кои и Даријан Сотировски, очекуваат судот да донесе конечна одлука со која ќе се стави крај на, како што велат, незаконското преименување. Истовремено, Општина Тетово под водство на Билал Касами продолжува со активностите на комисијата за преименување, што укажува на тоа дека ова прашање ќе остане високо на агендата на локалната самоуправа. Конечната одлука на Уставниот суд ќе биде клучен фактор во разрешувањето на овој долгогодишен спор, кој ги вклучува следните аспекти:
- Почитување на Законот за определување на имиња на улици, плоштади, мостови и на други инфраструктурни објекти.
- Усогласување на општинските одлуки со државните прописи и надлежностите на Владата.
- Надминување на етничките поделби преку институционален дијалог и консензус.
На вчерашната седница за прв пат Судот овозможи емитување во живо на дискусиите, кои се пренесуваа на веб-страницата на Уставниот суд. На овој начин граѓаните можеа во целост да ги слушнат сите аргументи и правни стојалишта за предметите за кои се донесоа одлуки.