Skip to content
Минхенската безбедносна конференција е еден од позначајните меѓународни настани на кои учествуваат светски лидери, министри и експерти за глобални безбедносни прашања. Иако бројот на делегации варира секоја година, на конференцијата обично учествуваат десетици делегации.
Во претходните години, учеството на Северна Македонија на оваа конференција беше релативно скромно, како што и прават помалите земји, со делегација која обично вклучуваше неколку клучни фигури, како што се премиерот или министерот за надворешни работи, заедно со неколку дипломати или експерти.
Тие се фокусираа на истакнување на безбедносните и надворешнополитичките приоритети на земјата, како што се регионалната соработка, интеграцијата на Западниот Балкан во евроатлантските структури и важноста од зајакнување на безбедноста во Балканот.
За една земја која се соочува со сериозни домашни предизвици – како што се економската стабилност, реформите во правосудството и корупцијата оваа година на државен трошок, поточно на грбот на граѓаните покрај претседателот на Владата на Република Северна Македонија Христијан Мицкоски негови придружници се министерот за надворешни работи и трговија, Тимчо Муцунски, министерот за одбрана Владо Мисајловски, министерот за внатрешни работи, Панче Тошковски и министерот за европски прашања, Орхан Муртезани.
На пример, САД обично испраќаат голем број претставници, но сепак тоа е заменикот на претседателот и високи дипломати. Истото важи и за големите европски земји како Германија, Франција и Велика Британија, кои исто така имаат повеќе претставници, вклучувајќи премиер, и по двајца министри како и други официјални лица.
Според протоколот помалите земји обично испраќаат помал број претставници, најчесто премиер или министер за надворешни работи или амбасадори. На овој начин, тие учествуваат во клучните дискусии додека истовремено ги оптимизираат своите ресурси.
