Skip to content
По стартувањето на системот „Сејф сити“ и испраќањето опомени за сообраќајни прекршоци, меѓу најпопуларните апликации кај скопските возачи станa „Waze“, која овозможува прецизен увид во тоа каде се поставени камерите ширум Скопје.
Апликацијата, која функционира врз основа на заеднички внесени податоци од корисниците, нуди предупредувања за метеж, работи на пат, полициски контроли и надзорни камери на трасата по која се движите. За многумина, оваа услуга стана неопходна алатка во секојдневното возење.
Паралелно со растечката популарност, дел од возачите се жалат дека добиле опомени дури и за минимално пречекорување на брзината – еден или два километри над дозволеното. Тие бараат воведување толеранција, со оглед дека различни возила покажуваат различни вредности при мерењето брзина.
Во меѓувреме, дискусиите продолжуваат: дали системот треба да биде поригорозен или поприлагоден на реалните услови на патиштата? Скопјани, сепак, веќе го пронајдоа својот најкорисен дигитален сојузник зад воланот.
