Skip to content
Поради влошената состојба и висок ризик од конструктивни дефекти, инспектори од МВР денеска го забранија за сообраќај мостот на Вардар кај Башино Село, на еден од влезовите во Велес. Забраната останува на сила додека не се најде привремено решение за безбедноста на мостот. Привремената мерка предвидува приспособување на една сообраќајна лента, која ќе биде достапна по изградбата на нов мост, кој ќе се изгради педесетина метри подолу од постоечкиот.
До тогаш, најголем дел од сообраќајот ќе се пренасочува низ централното градско подрачје на Велес, што веќе доведе до создавање на гужви.
Претседателот на Владата, Христијан Мицкоски, изврши увид на мостот заедно со министерот за внатрешни работи, Панче Тошковски, министерот за сообраќај, Александар Николовски, директорот на ЈПДП, Коце Трајановски, и градоначалникот на Велес, Марко Колев. Мицкоски информираше дека Општина Велес ќе чека техничко решение за санација на мостот од стручните служби на Градежниот факултет од Скопје, со цел повторно пуштање во сообраќај на барем едната лента во период од 60 до 90 дена.
Мицкоски посочи дека мостот бил изграден во 1971 година како привремено решение од страна на тогашната Армија, и дека од тогаш не се преземени мерки за реконструкција. Тој истакна дека оваа ситуација, иако непожелна, е неопходна за безбедноста на граѓаните, додека не се изгради нов мост.
Проектот за новиот мост ќе почне во втората половина на оваа година, а се очекува да биде изграден во рок од неколку години.
