Skip to content
Со предлогот на СДСМ за укинувањето на ДДВ за храна, над 250 категории основни производи ќе поевтинат веднаш и тоа ќе донесе значително олеснување за граѓаните.
Според опизициската партија, учеството на храната и пијалакот во потрошувачката кошничка изнесува над 23.000 денари, што значи ефектите од оваа мерка со заштеда и до 2.000 денари ќе влијае на заштита на стандардот на граѓаните и состојбата на семејните буџети.
Дополнително, се вели во соопштението на СДСМ, укинувањето на ДДВ за храна нема да ги оптовари компаниите, ниту ќе дозволи трговците да ја изиграат.
Од СДСМ велат дека нудат законско решение со реален ефект за вистинско намалување на малопродажните цени на прехранбените производи, со што ќе се намали и вредноста на потрошувачката кошница.
Тие повикуваат итно да се донесат овие законски решенија зашто секое одолговлекување значи нов удар врз семејните буџети, врз граѓаните.
