Албанија ја престигнува Хрватска по бројот на туристи: Ќерката на Трамп „фрли око“

Од 2015 година, бројот на туристи во земјата е речиси тројно зголемен – од 3 милиони во тоа време на дури 10 милиони во 2023 година, што претставува зголемување од 56% во однос на нивоата пред пандемијата. Албанската влада очекува оваа бројка да се искачи на 30 милиони годишно до 2030 година, што би значело дека земјата прима повеќе туристи отколку што во моментов примаат Португалија или Хрватска.

Загриженост за животната средина и инфраструктурата

Овој брз раст на туризмот предизвика сериозна загриженост. Весли Дидани од Саранда Веб предупредува дека некои туристички проекти се појавуваат без соодветно урбанистичко планирање, што предизвикува уништување на природната средина, особено долж брегот. Во Саранда, на пример, имаше случаи на фрлање градежен отпад директно во морето.

Влијание врз локалното население

Притисокот се чувствува и на пазарот на недвижности: на локалните жители им е сè потешко да најдат прифатливи станови бидејќи странските инвестиции и туристичката побарувачка доведоа до вртоглаво поскапување. Ситуацијата потсетува на она што се случува во популарните дестинации како Мајорка.

Инвеститорите Џаред Кушнер и Иванка Трамп

Меѓу инвеститорите се Џаред Кушнер и Иванка Трамп, кои добија зелено светло за изградба на луксузен хотел вреден 1,4 милијарди долари на островот Сазан.

Според Светскиот совет за туризам, Албанија во моментов е трет најбрзо растечки туристички пазар во светот, зад Катар и Порторико.