Анкета: Грците не се одушевени од американскиот претседател Трамп

Речиси еден од тројца Грци, односно 27 отсто „со загриженост“ гледаат на новото претседателство на Доналд Трамп во САД, 22 проценти „со љубопитност/интерес“, додека 16 отсто изразуваат „неутралност или рамнодушност“, а 12 проценти „песимизам“, согласно истражувањето на јавното мислење спроведено од агенцијата „Pulse“ за грчката телевизија „Скај“, јави дописничката на МИА од Атина.

На домашната сцена и во пресрет на утрешното прво гласање во Парламентот за претседател на Грција, речиси половина од анкетираните, односно 49 отсто негативно ја оценуваат одлуката на грчкиот премиер за шеф на државата да го предложи собранискиот спикер Константинос Тасулас.

Во однос на рејтингот на партиите, Нова демократија е стабилна на првата позиција со 25,5 отсто, ПАСОК е втора со 13 проценти, Комунистичката партија и радикално десничарската Грчко решение добиваат осум отсто, а СИРИЗА седум проценти.