Автобус и два автомобила удриле во крави на автопатот Скопје-Тетово, сообраќајот пренасочен

Фото: Скриншот од видео на ТВ21

Автобус и два автомобила попладнево удриле во крави на автопатот Скопје-Тетово, поради што сообраќајот е во прекин.

Како што соопштија од МВР, моторни возила „хонда“ и „хундаи“ со скопски таблички и автобус со тетовски таблички удриле во крави на автопатот попладнево околу 18:30 часот.

Поради тоа, сообраќајот на овој патен правец се пренасочува по стариот пат.

ТВ 21 на социјалните мрежи сподели видео на кое се гледаат големи колони и застој во сообраќајот, но и неколку крави кои лежат на автопатот.

Од видеото исто така може да се види и дека предното стакло на автобусот е целосно искршено.

Зачлени се на нашиот е-билтен