Skip to content
„Неморалот на Кочоска не е само во навредите и дискриминациите кон жените туку и во аздисаното трошење на народни пари“, порачаа денеска од СДСМ и ги објавија сметките и фактурите од времето кога Кочоска била директор за финансии во ЕЛЕМ а Мицкоски директор на истата државна компанија.
Според СДСМ, јавноста може да види како со народни пари се плаќале гозби по кафани и ресторани, со потписи на Кочоска и Мицкоски.
На прес конференцијата на организацискиот секретар на СДСМ Мартин Костовски се порезентирани повеќе сметки и фискални, како на пример онаа ресторан во Белград, соседна Србија, вредна околу 100 евра, потпишана од Кочоска и Мицкоски.
Што се јадело и пиело на сметка на народот:
Џони вокер – блек, Дуњовача, Поховани јагнешки шницли, Купус салата, ќебапи, Крвав бифтек, чоколадно суфле, крем пита, и вино „И као да си Анџео“.
На сметката се потпишани Кочоска и Мицкоски.
На прес конференцијата се презентирани и повеќе други фактури. Една за кетеринг услуги, вредна 110 илјади денари од еден ресторан во Скопје, исто така потпишано од Кочовска и Мицкоски, потоа фактура од 38.000 денари, од еден ресторан во Брвеница со потпис на Кочоска и Мицкоски и една во висина од една минимална плата, едно седнување со цена од 21.270 денари во истиот ресотран.
Истата Кочоска, беше истакнато на прес конференцијата, која заедно со Мицкоски не даваат да се покачи минималната плата, им кажуваат на граѓаните и работниците каков грашок да јадат, дали треба цреши и грозје да си купат не штеделе на гозби, ручеци, кетеринзи.
Како да не знаеле да сопрат од кафани и ресторани што укажува нова фактура од 10.500 денари на ЕЛЕМ, сектор финансии, од познат ресторант во Скопје, беше речено. Потоа уште едно гоштевање од 8.500 денари во, се чини, омилениот ресторан во Брвеница.
Костовски уште една сметка од 9.200 денари, исто така од времето кога со ЕЛЕМ управува Мицкоски, а Кочоска е директор за финансии.
За СДСМ ова е расипничко трошење на парите на граѓаните и аздисано однесување. Лажните “домаќини“ и моралисти, беше речено на пресот, парите на народот се расфрлале со парите на граѓаните по кафани и ресторани.
Не им било гајле ниту колку пари ќе потрошат, рече Костовски и доиполни: „Ако како први луѓе на ЕЛЕМ вака аздисувале, можеме само да претпоставиме што се случува сега“.
