Беким Ќоку: ДУИ ја прекрши волјата на народот со гласањето против пратеничката Валбона Адили Емини

Пратеникот Беким Ќоку, координатор на пратеничката група на Коалицијата „Вреди“, реагираше на денешното гласање во Собранието на Република Северна Македонија, каде што пратениците од ДУИ гласаа против верификацијата на мандатот на Валбона Адили Емини, пратеничка од редовите на ВЛЕН.

„Денес се регистрираше преседан во Собранието на Република Северна Македонија, каде што ДУИ гласаа против верификацијата на мандатот на пратеничката од редовите на ВЛЕН, г-ѓа Валбона Адили Емини. Овој акт е без преседан, бидејќи никогаш досега не се случило пратеници да гласаат против верификација на мандат. Ова е очигледно кршење на волјата на народот, на сите оние граѓани кои ја гласаа оваа пратеничка“, изјави Ќоку на прес-конференцијата во Собрание

Според него, верификацијата на мандатот на пратеник од Собранието е само формален и технички процес, а противењето на пратениците со гласање е кршење на волјата на народот и напад врз демократската вредност на претставувањето.

„Сето ова однесување на претставниците на ДУИ во Собранието е неприфатливо и апсурдно. Посебно за г-дин Талат Џафери, кој веќе два мандата го води Собранието и никогаш не се случила ваква ситуација. Ова е јавно прашање за сите: зошто не му пречеше партнерот во коалицијата, Јован Тарчуловски, а сега му пречи г-ѓа Валбона Адили Емини?Овој акт може да се толкува како акт на очај на албанската опозиција, која користи најнечисти методи за да се бори против ВЛЕН. Не можам да не прашам: како е можно дека токму пратениците Албанци, претставници на албанскиот народ, го направија овој преседан, токму за една Албанка, почитувана докторка од Кичево?“, дополни тој.

Коќу нагласи дека, како што рече „Валбона Адили Емини е гласот на 107.000 Албанци кои бараат промена, а не е гласот на пратениците кои, како што е познато, се купени со шантажи и притисоци од различни страни“.

„Некогашното не гласање на Валбона од страна на ДУИ не е ништо друго освен страв од тоа што таа го претставува: Промена. Оваа промена е нешто што старата и деградирана политичка класа не го посакува, но таа ќе дојде и ниедна сила не може да ја сопре, посочи тој.