Skip to content
Скандалозното однесување на комесарката за проширување на ЕУ, Марта Кос, во последните месеци ги оживеа долгогодишните сомнежи за нејзините врски со југословенската служба за државна безбедност, УДБА. Прашањата околу нејзината личност повторно излегуваат на виделина откако таа покажа целосна неспособност – или можеби неподготвеност – да ги брани паневропските интереси на Западен Балкан, пишува Бгнес во својот коментар.
Покрај тоа, Кос целосно и некритички ги повторува антиевропските наративи на политичката елита во Скопјe, што ја стави во подредена позиција дури и на третокласни лидери како што е Христијан Мицкоски. Во однос на Северна Македонија, европскиот комесар не само што не го брани европскиот консензус од 2022 година, туку директно ја усвои реториката на скопските политичари за таканаречената „билатерализација“ или „билатерален проблем“ со Бугарија – неприфатлива позиција за европски комесар, во директно кршење на интересите што треба да ги штити.
Пред одложеното гласање за извештајот за Северна Македонија, подготвен од известувачот Томас Вајц, во Комитетот за надворешни работи на Европскиот парламент, Марта Кос му рече на истиот комитет дека ЕК бара начини за поедноставување на процедурите во процесот на пристапување кон блокот, тврдејќи дека „билатералните спорови“ би можеле да влијаат на процесот. Таа дури си зеде слобода да ги понуди своите услуги во „дијалог“ меѓу Скопјe и Софија.
