Skip to content
Од ЗЕЛС активно работат на дополнувањата и измените на Законот за локална самоуправа, со кој градочалниците ќе имаат ограничена моќ, рече претседателот на ЗЕЛС, Орце Ѓорѓевски.
Во имплементација на законските измени за локална самоуправа ќе бидат вклучени експерти од централната и локална власт, како и целата експертска јавност.
“Не е доволно да направиме решенија како што имало често пати примери во минатото. Нас ни треба темелна реформа во перспектива на долгорочен план што ќе биде во интерес на граѓаните и ние да им служиме на граѓаните” изјави Ѓорѓиевски.
Премиерот Христијан Мицкоски, претседателот на Советот на Град Скопје, Трајко Славески, и претседателот на ЗЕЛС, Орце Ѓеоргиевски, сите од ВМРО-ДПМНЕ, ја обвинуваат градоначалничката на Скопје, Данела Арсовска за нефункционалноста на јавниот сообраќај, за состојбите во Паркови и зеленило, и во Водовод и неподнесувањето на предлог буџетот за 2025 година.
Ова се и главните причини за измени на Законот за локална самоуправа, со кој граѓаните преку референдум ќе имаат можност да го одземаат мандатот на градочалниците. Дополнително од ЗЕЛС ја оставаат отворена можноста поради лошата состојба во Град Скопје да и бидат одземени ингеренциите на Арсовска во повеќето градски претпријатија за што најавија и работни средби со премиерот Христијан Мицковски.
По барање на градоначалниците од редовите на ВМРО-ДПМНЕ, пред околку една година градоначалничката, Арсовска беше разрешена од функцијата претседателка на Заедницата на единиците на локална самоуправа. На нејзино место, исто така по предлот на градоначалниците од редовите на ВМРО-ДПМНЕ, за претседател на ЗЕЛС беше избран градоначалникот на Општина Кисела Вода, Орце Ѓорѓиевски.
