Бомба експлодира во Клиника за репродуктивно здравје во Калифорнија, еден загинат, петмина повредени

Бомба експлодираше во Клиника за репродуктивно здравје во Палм Спрингс, Калифорнија, при што загина едно лице, изјави градоначалникот Рон ДеХарт, пренесоа британските медиуми.

Еј-Би-Си Њуз, повикувајќи се на полициски извори и од самата клиника, објави дека најмалку пет лица се повредени во експлозијата.

Градските власти на Палм Спрингс на Фејсбук објавија дека експлозијата се случила пред 11 часот наутро по локално време.

„Идентификувана е бомба што се наоѓала во автомобил или во негова близина“, рече ДеХарт.

ФБИ на Лос Анџелес објави на социјалните мрежи дека ја истражува експлозијата, а експерти за експлозиви се распоредени на местото на настанот.