Бројот на загинати во рускиот напад врз Криви Рих се искачи на 18, меѓу нив девет деца

Осумнаесет лица, меѓу кои девет деца, загинаа во вчерашниот руски ракетен напад врз централниот украински град Криви Рих, родниот град на претседателот Володимир Зеленски, соопштија утрово украинските власти.

Ракетниот напад, еден од најсмртоносните во последните недели, се случи во станбена зона на овој индустриски град, во близина на детско игралиште.

-Бројот на загинатите од Русите со лансирање проектил кон Криви Рих е 18. Меѓу нив имало девет деца, изјави Сергеј Лисак, шеф на управата на регионот Днепропетровск, по завршувањето на интервенцијата.

Зеленски вчера изјави дека рускиот ракетен напад покажува дека Русија не сака прекин на огнот.