Skip to content
Државната изборна комисија денеска на седница едногласно изгласа одлука за ангажирање на лица во работна група за серверска и мрежна инфраструктура, одржување бази на податоци и обработка на избирачки список и определување на надомест за ангажираните лица.
На 123. седница на ДИК, беше кажано дека одлуката произлегува од одредбите на Изборниот законик, а образложение за одлуката даде членот на ДИК Дитмире Шеху.
Едногласно помина и одлуката за процедурата за спроведување постапки за доделување на договори за јавни набавки и нивна реализација. Членот на ДИК Ангелчо Ристов, кој даде образложение, појасни дека се врши усогласување на процедурата согласно последните законски измени на Законот за јавните набавки и се дополнува во делот на постапката за изготвување на одлука за формирање на комисија за јавна набавка и одлука за избор на најповолен понудувач.
„Со оглед на фактот дека имаме сега избрано генерален секретар, па тој фактички се вклучува во постапката за проверка и одобрување на одлуките за формирање на комисија за јавна набавка и избор на најповолен понудувач“, рече тој.
