Дојави за бомби во неколку основни училишта во Скопје

Шест училишта во општина Аеродром биле утрово евакуирани поради дојави за поставени бомби. Исто така, медиумите пренесуваат дека најмалку едно училиште во населбата Железара е евакуирано поради дојава за бомба, а дојави за бомба имало и во училиште во Бутел.

Дојава за експлозивна направа имало и во ОУ „Киро Глигоров“ во Центар.

Според првичните информации, меѓу евакуираните училишта се „Александар Македонски“ во Аеродром, Љубен Лапе, Ѓорѓија Пулески, и во други, како „Глигор Прличев“ во Железара…

Учениците се евакуираат надвор од школките згради и дворови и се чека на интервенција на полицијата за да се утврди дали се работи за лажни дојави за бомби.

Градоначалникот на Општина Аеродром Дејан Митески за СДК изјави дека во моментов тимови на Министерството за внатрешни работи (МВР) прават проверки во школите.