Skip to content
Советникот на премиерот Христијан Мицкоски, Др. Игор Николов ќе биде новиот Амбасадор на Република Северна Македонија во Париз.
Ова денеска речиси попат на прес конференција посветена на друга тема, го соопшти Мицкоски, потсетувајќи дека одлуката ја донела Владата вчера.
„Еден од советниците, кој беше со полно работно време, е професор доктор Игор Николов. Тој беше мој советник во делот на здравствената политика, а договорот ќе му престане бидејќи во текот на вчерашната седница беше предложен од страна на Владата да биде нов амбасадор на нашата држава во Франција“, изјави Мицкоски.
На прес-конференција најави дека Владата донела одлука нов амбасадор на Македонија во Франција да биде Др. Игор Николов е нефролог и според фактите е нескриен партиски функционер на ВМРО-ДПМНЕ. И тоа не е спорно само по себе, но е спротивно на претходните заложби на премиерот и на ВМРО ДПМНЕ дека кога тие ќе дојдат на власт ќе се престане со таа пракса на амбасадорски позиции да бидат назначувани партиски функционери и дека дипломатијата ќе се професионализира.
Инаку неговото име Мицкоски го соопшти во контекст на информацијата за советниците, која според него не е конечна и затоа не е објавена, посочувајќи го Николов како негов советник за здравство кој сега оди на друга функција.
Како што пишува Независен, неофицијално, амбасадата на Франција во Македонија неколкупати се пожалила и барала да биде испратен нов амбасадор бидејќи вака им е потешто да ја развиваат соработката.
Инаки порталот Независен наведува дека Игор Николов е сѐ само не дипломат од кариера, иако во еден период, додека ВМРО-ДПМНЕ беше на власт во времето на Никола Груевски, бил прв секретар во амбасадата на Македонија во Париз. Неговото име се спомнуваше и како можен иден директор на Клиничкиот центар ако бидат споени клиниките.
Она што било веројатно пресудно да ја добие оваа позиција, покрај фактот дека завршил студии во Париз на Универзитетот Пјер и Марија Кири, е што од јануари 2021 година самиот навел дека бил советник за медицински прашања во амбасадата на Франција во Скопје, што е на некој начин и конфликт на интереси поради дилемата – дали во Франција ќе работи за нив или за нас, односно чии интереси ќе застапува, коментира Независен?
Ова именување е показател како ќе изгледа силната дипломатска мрежа што ја подготвува за странство Владата, нарекувајќи ја таа на владата на СДСМ катастрофална и наводно одбележана со скандали.
