ДУИ и Вреди во клинч: Во чии редови има ‘поголеми’ Албанци

Продолжуваат препукувањата меѓу ДУИ и ВРЕДИ. Денеска од ВРЕДИ ги обвинија интегративците дека само за да го отргнат вниманието на јавноста од своите неуспеси, станале ‘мајстори за манипулации и ниски клевети’.

„ВЛЕН останува силно на страната на албанските национални интереси, секогаш бранејќи го правото на Република Косово како независна и суверена држава. Обидите на ВЛЕН да му се припишат непостоечки ставови се залудни и неосновани. ВЛЕН не негира дека Иван Стоилковиќ е претставник на Србите, тој е нивен претставник и ние не се обидуваме да го претвориме во Албанец, а уште помалку да го натераме да размислува како Албанец, но разликата меѓу нас и ДУИ е дека тие самоинициатевен остана дел од Отворен Балкан, иницијатива која никогаш не ја призна Република Косово. Потсетуваме дека првата средба на премиерот Христијан Мицкоски беше со премиерот Албин Курти“, велат во ВРЕДИ.

Од ДУИ денеска пак, на адресата на ВРЕДИ упатија обвинувања дека додека биле во опозиција, партиите од коалицијата Влен ветиле ‘повлекување на Македонија од Отворен Балкан. Со неисполнувањаето на ова ветување гласачите биле измамени.

„Ова ветување го користеа како политичко оружје за да ја напаѓаат претходната влада, водеа жестока кампања, нарекувајќи ја оваа иницијатива штетна за земјата и антинационален проект сред насоките на Албин Курти. Но денес, се на власт без легитимитет, и не само што не ја повлекоа земјата од Отворен Балкан, туку нивната влада сега го гледа како позитивен проект, а Скопје и Белград се претворија во стратешки партнери во регионот. Денес нивниот главен партнер е Иван Стоиљковиќ, најекстремниот претставник на руските и српските интереси во Северна Македонија. Некогаш го нарекуваа Отворен Балкан национално предавство, а денес нивните министри подготвуваат документи и спроведуваат политики во рамките на оваа иницијатива. Како се нарекува ова? Безскрупулозна хипокризија, срамна измама кон граѓаните или предавство на принципите и изборните ветувања? Оваа власт го загуби секој кредибилитет! Оваа влада нема ниту принципи, ниту интегритет, ниту достоинство“, велат во ДУИ.

И двете коалиции и Европски фронт и Вреди тврдат дека се посветени на интересете на граѓаните Албанци во Македонија