ДУИ: Продолжува трендот на просрпско и проруско лидерство во војската, а Албанците исклучени од безбедносниот систем на државата

За прв пат од потпишувањето на Охридскиот договор, ниту еден Албанец нема клучни позиции во Армијата на Северна Македонија.
Отстранувањето на единствениот албански генерал од Оперативната команда ги остави Албанците без застапеност на четирите највисоки воени позиции.
Понатаму, именувањето на генералите Орце Јордев и Мирче Ѓорѓевски, кои добија негативни одговори од НАТО за безбедносни сертификати, предизвикува сериозна загриженост за стратешката ориентација на нашата земја.
Овие случувања укажуваат на тренд кон анти-НАТО, просрпско и проруско лидерство во војската, додека Албанците се систематски исклучени од безбедносниот систем.
За прв пат Агенцијата за разузнавање, Националната агенција за безбедност и Воената агенција немаат Албанци на раководни позиции.
Ова намерно исклучување на Албанците од клучните безбедносни институции претставува сериозна закана за државната безбедност и отвора прашања за намерите зад ова етничко чистење во безбедносниот систем.
Во оваа алармантна ситуација, албанските партии во владата мора да престанат со улогата на застапници на антиалбанска и исклучувачка политика.
Албанците нема да останат гледачи туку ќе реагираат за да се заштитат себеси и своите интереси.
Ја повикуваме меѓународната заедница, особено НАТО, да интервенира за да се справи со ова систематско исклучување и да обезбеди Северна Македонија да остане посветена на демократските вредности и стратешките партнерства.