Екатерина Захариева за Шенген: Ќе патуваме многу полесно, а Европа ќе биде посилна

Бугарската еврокомесарка Екатерина Захариева, која ќе биде одговорна за одделот „Стартап, истражување и иновации“, ја истакна долгоочекуваната одлука за укинување на проверките на копнените шенгенски граници на Бугарија и Романија од 1 јануари следната година.

„Честитки! Сосема заслужено, копнените шенгенски граници се укинати за Бугарија и Романија. Ќе патуваме многу полесно, а Европа ќе биде многу посилна!“, напиша на социјалните мрежи, Захариева неколку минути по одлуката на Советот на ЕУ.