Еве кога ќе биде објавено името на новиот папа

По вкупно четири гласања, една вчера и три денес, еден кандидат доби 89 гласа и стана Папа. Името на новиот папа ќе биде познато за околу еден час, и по вообичаената процедура како подготовка за кога ќе се појави во централната ложа на базиликата „Свети Петар“.

Постапката е дека новоизбраниот папа го прифаќа изборот и папскиот престол, објавува кое папско име го избира, влегува во „собата на солзите“, сакристијата на Систинската капела, а потоа се пресоблекува во папските одежди. Потоа кардиналот протоѓакон Доминик Мамберти, префект на Врховниот апостолски суд, се појавува во централната ложа на базиликата „Свети Петар“ и му објавува на светот „Habemus Papam“, „Имаме Папа“.

Само тогаш светот ќе го види лицето на новиот папа, кој беше избран од кардиналите по „сугестија на Светиот Дух“ и кој потоа ќе го благослови градот и целиот свет со „Urbi et Orbi“.