ФБИ пронајде нови документи за атентатот на Кенеди по наредбата на Трамп, но не се знае кога ќе бидат објавени

Американското Федерално биро за истраги (ФБИ) пронајде илјадници нови документи поврзани со атентатот на поранешниот претседател Џон Кенеди откако американскиот претседател Доналд Трамп повика на објавување доверливи разузнавачки документи поврзани со настанот од 1963 година.  

ФБИ соопшти дека била спроведена нова истрага за документите откако Трамп во јануари потпиша извршна наредба за нивно објавување.

Тоа пребарување резултираше со околу 2.400 нови, претходно неидентификувани и дигитализирани документи кои сега се поврзани со досието за атентатот.

„ФБИ ги направи соодветните известувања за новооткриените документи и работи на нивно пренесување до Националната управа за архиви и евиденција за вклучување во тековниот процес на декласификација“, соопшти ФБИ.
Минатата недела Канцеларијата на директорот на националното разузнавање испрати препораки до Трамп за тоа кои доверливи документи треба да ги објави на јавноста за атентатот, изјави портпаролот за Ројтерс во вторникот. Канцеларијата не објави детали за планот или не соопшти кога ќе бидат објавени документите.