Skip to content
На празникот Св. Сава, беа испратени опасни пораки и тоа во присуство на премиерот Христијан Мицкоски. Се поставува прашањето дали тој знае, кој му е вицепремиер и во кој формат му организираат настани, рече претседателот на СДСМ, Венко Филипче, во изјава за ТВ 21.
„Не видовме дека премиерот, пушти некаква реакција, така што се добива впечаток дека тој цело време е изненаден, од некои изјави на коалициските партнери. Пред некој ден од Таравари, а пред тоа и од изјавите на некои странски гости. Ние мора да внимаваме кој доаѓа и какви гости каниме, затоа што сме земја членка на НАТО. Дополнително можеби тоа се изјави кои ги навредуваат чувствата на припадници на одреден народ кај нас, а ние сме мултикултурно, мултинационално, мултиетничко општество и тоа е нашето најголемо богатство. Можеби треба да се прашаат и безбедносните служби, дали знаеле кој се ќе дојде и какви изјави ќе даваат? Дали можеби станува збор и за хибриден напад? Каква е проценката, дали тоа се изјави којшто и доликуваат на една земја членка на и НАТО и дали се против државните интереси?, рече Филипче во изјава за ТВ 21
