Skip to content
Претседателот на СДСМ, Венко Филипче во интервју за вестите на ТВ Алсат М повторно ги истакна прашањата на кои СДСМ како партија, но и јавноста, сè уште чека одговор од надлежните институции.
„Зошто во истрагата не се опфатени функционери на МВР кои имаат директна одговорност? Како било возможно малолетници да консумираат алкохол и да се користи пиротехника пред очите на припадници на МВР? Прашуваме конкретни прашања коишто нас нè тераат да мислиме дека истрагата е селективна“, рече Филипче, посочувајќи дека СДСМ нема да се меша во истрагата.
Претседателот на СДСМ повтори дека е цврсто уверен во тоа дека единствениот начин да се постигне суштинска и видлива промена во системот е преку заедничка работа.
„Ние мора да бидеме свесни дека работите треба да функционираат поинаку. Подготвен сум и се залагам за тоа – и за Кочани, и за секоја друга тема. Политичките партии треба да работат заедно, во интерес и на барање на граѓаните – како што тоа сега јасно се бара“, истакна Филипче.
