Skip to content
Социјалдемократите стојат на ставот дека министерот за надворешни работи и надворешна трговија Тимчо Муцунски, користејќи ја својата функција, разработил бизнис шеми преку кои длабоко загазил во криминално работење. Во СДСМ, велат дека Муцунски ќе одговара за штетата што им ја нанесува на граѓаните.
Тие додаваат дека Муцунски не само што нема да добие извинување, туку дека во наредните денови ќе се соочи со целата вистина за неговото работење, бидејќи располагаат со сите докази за лица кои се директно поврзани со ВМРО-ДПМНЕ и со компаниите кои земале милионски тендери. ‘Шемата е страотна и ќе биде целосно презентирана во јавноста’.
„Муцунски е меѓу оние кои се во центарот на тендерската мрежа за која СДСМ има преку 50 случаи со докази и документи, за тоа како се испумпувале пари од локалните буџети. Наместо да се сили преку соопштенија и да бара извинување за нешто што е реалност и објавено на сите сајтови за јавни набавки, нека се подготвува за одговорност за скандали со вмрежување на неколку компании со партијата и создавање на партиско-бизнис соју. Дали на криминален налин се вршело главното финансирање на ВМРО-ДПМНЕ во изминатиот период“, велат во СДСМ.
Од СДСМ го повикаа Муцунски да одговори: Зошто ја продолжува праксата од општина Аеродром и во МНР? Во Аеродром и доделил на Пирамид Солушнс 4 милиони евра во проекти, сега во МНР продолжува со прв договор за настрешница од пола милион евра. Колку од овие пари се зацршени во ВМРО-ДПМНЕ?
Од шефот на дипломатијата бараат и одговор: Дали го оживува криминалниот проект Скопје 2014 преку кој ВМРО-ДПМНЕ украде преку 750 милиони евра за стиропор и лажен барок?
Дали продолжува кражбата на народни пари преку овој проекто кој беше оквалификуван како грабеж на векот од европските медиуми. и најавуваат дека ќе одговара за своите бизнис шеми на штета на граѓаните.
СДСМ излезе со информација дека „Муцунски го оживува проектот Скопје 2014“ и дека за изведба на челична настрешница вредна 550.000 евра наводно била фаворизирана фирма која била единствен понудувач на тендерот.
Министерството за надворешни работи и надворешна трговија ги демантираше информациите изнесе од СДСМ, посочувајќи дека во изминатите неколку години било планирано кровот на МНР, да се реконструира. Во своите деманти ниту МНРНТ, ниту Муцунски не посочуваат зошто во тендерските иги секогаш е присутна „Пирамид Солушнс“.
Муцунски на својот фб, меѓу другото напиша:
„Постапката за јавна набавка е спроведена целосно законски, транспарентно и во согласност со сите важечки правни процедури“, напиша Муцунски на својот профил на Фејсбук.
