Фрчкоски: Уставниот суд треба да биде многу вниметелен околу Законот за јазиците

Во пресрет на подготвителната седница на Уставниот суд околу употребата Законот за Јазиците, уставотворецот, професорот Љубомир Данаилов Фрчкоски смета дека треба да се биде многу внимателен, имајќи ги предвид десетината иницијативи што ја спорат уставноста од повеќе аспекти.

Она на што посебно укажува Фрчкоски во интервју за ТВ Клан е да се води сметка да не се биде рестриктивен во толкувањето на Уставот.

„Закон за јазици е дозволен и не може да биде неуставен и би бил грешка доколку би бил укинат како таков, како неуставен. Не мислам дека тоа уставните судии ќе го направат, но таа опција би била апоклалиптично лоша, бидејќи Уставот (и Охридскиот Рамковен Договор) не прави проблем да се донесе закон за јазици. Уставот решава точно еден проблем со официјалната употреба на албанскиот јазик. Од една страна не го става во иста ситуација како македонскиот, како еднаков, но од друга сепак го официјализира и потоа остава хоризонтално тоа да се шири со Закон како и во други области кои Уставот не може да ги предвиди каде може да се употребува. Тоа е предмет на Закон за јазици.

Во законот за јазици вели Фрчкоски, она што не може да се направи е да се има законска одредба која е спротивна на уставната одредба. Тое не може, сè друго може.

Според професорот Фрчкоски она што не може е со закон да се внесе албанскиот јазик во меѓународна употреба. Тоа би било антиуставно. Но сè друго може како на пример во администрација, и делумно и во судовите.

Во оваа фаза треба помирно да се погледне законот за јазици, дали има одредеби кои ја нарушуваат уставната рамка, само тоа, другото е ок, смета Фрчкоски.

Во иницијативите пред уставниот суд има разлики, од укинување на Законот до укинување на некои членови.

„Забелешките на венецијанската се однесуаат на некои членови од судтската постапка кои стануваат апсурдни при користењето на албанскиот јазикно и тие лесно можат да се коригираат, но да се негира целиот Закон како неуставен е проблематично и не е во ред“, дециден е уставотворецот.

„Постои можност за рестриктивно или политичко или политизирано толкување на Уставот. Ама тоа е работа на субјективна процена на некои луѓе, а не на Уставот како таков. Можете да го интерпретирате на начин кој е рестриктивен, но тоа не е проблем на Уставот, тоа е проблем на интерпретација на судиите. Тогаш се тие проблем како личности.

Јас не знам како судиите ќе постапат, можеби ќе постапат коректно, не знаеме однапред, но во секој случај укинување на можност за Закон за јазици би било неуставна, ако го укинат како можност да се донесе таков закон. Тоа би било во судир со Уставот. Тогаш Уставниот суд би бил во судир со Уставот. Или пак исто така ако го третираат, интерпретираат рестриктивно. Бидејќи Уставот е јасен, она што не е забрането ли точно регулирано со Уставот- е дозволено. Такви се либералните устави штом нешто не е забрането и е упатено на закон тоа е дозволено и таа широка хоризонтална употреба на албанскиот јазик регулирана преку закон е сосема во ред.“