Skip to content
На Светскиот ден за подигање на свесноста за аутизмот – 2 Април, претседателот на Собранието Африм Гаши пречека во својот кабинет група деца, родители, наставници и претставници на различни здруженија, на кои им упати порака дека вакви средби се од непроценливо значење во градењето на општество со еднакви можности за сите.
Вакви средби, рече претседателот Гаши, поттикнуваат на слушање и на учење, а пред се ја истакнуваат важноста на прифаќањето и почитувањето на различностите.
„Секое дете кое беше меѓу нас денес ни покажа дека секој поединец, без разлика на различностите, има свој единствен свет, свои бои, бесконечен потенцијал и душа која заслужува шанса да лета. Овој настан, покрај незаборавниот момент, е и можност за изградба на почувствително и обединето општество за оние кои нè потсетуваат дека убавината на животот лежи во богатството на нашите различности“, истакна Гаши.
Претседателот Гаши со внимание ги слушаше грижите и предизвиците на родителите и наставниците, ветувајќи дека, во рамки на своите можности, ќе преземе се што е потребно за подобрување на условите и за подигнување на стандардите за живот на лицата со аутизам.
Тој нагласи дека Собранието, со ангажираност и почит, останува отворено за слушање и подобро разбирање на потребите и потенцијалот на лицата со аутизам.
