Skip to content
„Димни бомби и солзавец во српскиот парламент“, пренесува првата програма на германскиот јавен сервис АРД на својот портал: „Во српскиот парламент ескалираше расправија меѓу политичарите“. По тепачката биле активирани димни бомби и бил употребен солзавец. Повредени се најмалку тројца пратеници.
„Откако владејачката коалиција предводена од Српската напредна партија (СНС) на претседателот Александар Вучиќ го одобри дневниот ред, некои опозициски политичари се упатија кон претседателката на парламентот Ана Брнабиќ и се судрија со обезбедувањето. Беше подигнат транспарент „Србија се крена да го урне режимот“, пренесува АРД.
„Српските опозиционери палат факели во парламентот“, пишува весникот Цајт. Повикувајќи се на српските медиуми, германскиот весник пишува дека „немирите избувнале кога претставници на опозицијата и пришле на Брнабиќ во салата за состаноци, но обезбедувањето ги спречило. Пратениците првично се состанаа за да гласаат за нацрт-законот со кој ќе се зголеми финансирањето на високото образование.
Повредени пратеници
„Хаос во српското Собрание: Пратеничката доживеа мозочен удар и се бори за живот“ – под овој наслов, пишува „Берлинер цајтунг“ од Белград: „Салата за состаноци беше исполнета со густ црн и црвен чад. Тоа беше хаос каков што српскиот парламентаризам досега не видел“. Собраниската сала беше исполнета со густ црн и црвен чад.
Весникот јавува и дека претседателката на парламентот Ана Брнабиќ изјавила дека се повредени неколку пратеници од владејачките партии. Пратеничката на СНС Јасмина Обрадовиќ, на која „ја фрли шок бомба, доживеа мозочен удар и се бори за живот“, рече Брнабиќ. Повредени се и пратеничката Јасмина Каранац од Социјалдемократската партија на Србија (СДПС) и Соња Илиќ (СНС), која е во осмиот месец од бременоста.
„Опозициските партии ја оценија седницата како незаконска“, пишува Берлинер цајтунг, „и побараа претходно да биде констатирана оставката на премиерот Милош Вучевиќ“. Тој ја најави својата оставка во јануари, но потегот мора да биде потврден од парламентот за да стапи на сила.
Тензиите растат со месеци
Католичката новинска агенција КНА, која известува на германски, пренесува: „Ситуацијата ескалира на седницата на српскиот парламент. Локалните медиуми јавуваат за физички пресметки меѓу претставници на владејачката СНС и опозицијата. Се известува дека неколку пратеници фрлале димни бомби, шишиња и јајца“.
Агенцијата потсетува дека „последниве месеци се зголемуваат тензиите меѓу власта и опозицијата“. Се верува дека активирањето е уривањето на покривот на железничката станица во Нови Сад. „Таа несреќа во ноември загинаа 15 лица, а како резултат на тоа има масовни протести, главно студенти.
