Исплива таен документ од Пентагон: Русија повеќе не е главна закана за САД, сега оваа земја е цел!

Секретарот за одбрана Пит Хегсет даде приоритет на одвраќање на Кина од „заземање“ на Тајван и зајакнување на „домашната безбедност“, истовремено инсистирајќи НАТО да преземе поголем дел од товарот кога станува збор за европската безбедност.

Според Вашингтон пост, кој се повикува на таен внатрешен меморандум, станува збор за идентична копија од извештајот на конзервативната тинк-тенк фондација Херитиџ, која стои зад Проектот 2025. Документот, познат како „Привремена стратешка насока за национална одбрана“ и означен како „тајна“, потпишан од Хагсет, циркулирал во Министерството за одбрана во средината на март.

Насоките ги прикажуваат визиите на претседателот Доналд Трамп за подготовка и победа во потенцијална војна против Пекинг и одбрана на Соединетите држави од заканите во „близина на странство“, вклучувајќи ги Гренланд и Панамскиот канал.

Во документот се повикува и војската да преземе подиректна улога во борбата против илегалната миграција и трговијата со дрога.

Според документот, Хегсет практично наредува преориентација на огромната американска воена архитектура кон индо-пацифичкиот регион.

Пентагон, кој се соочува со ограничувања на персоналот и ресурсите, ќе изврши притисок врз сојузниците во Европа, Блискиот Исток и Источна Азија да трошат повеќе за одбрана за да ја преземат главната улога на одвраќање закани од Русија, Северна Кореја и Иран, се вели во насоките.

„Кина е единствената закана“, рече Хегсет.

За разлика од Националната стратегија за одбрана на администрацијата на Бајден од 2022 година, која „се залагаше“ за сојузи во спротивставувањето на Русија, нарекувајќи ги „заемно корисни сојузи и сојузници…нашето најголемо глобално стратешко богатство“, упатствата на Хегсет јасно нагласуваат дека НАТО мора да преземе „многу поголем“ товар бидејќи приоритетите на САД се на второ место.