Израел ја затвора амбасадата во Ирска: Преминати се сите црвени линии во односите

Израел ги заладува односите со Ирска и најави дека ќе ја затвори израелската амбасада во земјата поради, како што рече министерот за надворешни работи Гидеон Сар, „екстреманта антиизраелска политика на Владата во Даблин“.

Претходно во мај, Израел го отповика својот амбасадор од Ирска, откако Ирска стана една од трите земји на ЕУ што објавија дека еднострано ќе ја признаат палестинската држава.

Ирска не го повлече својот амбасадор од Израел.

Минатата недела владата на Ирска гласаше да се приклучи на Јужна Африка во постапката против Израел за геноцид пред Меѓународниот суд на правдата (МСП) во Хаг.

„Антисемитските акции и реториката на Ирска против Израел се засноваат на делегитимизирање и демонизирање на еврејската држава и на двојни стандарди“, рече Сар.

Тој оцени дека Ирска „ги преминала сите црвени линии во односите со Израел“.

„Израел ќе ги вложи своите ресурси во унапредување на билатералните односи со земјите од светот во согласност со приоритетите кои исто така потекнуваат од односите на државите кон него“, најави израелскиот министер.

Сар рече дека има земји кои се заинтересирани за зајакнување на врските со Израел, но се уште немаат амбасада во таа земја.

Тој најави дека Израел ќе отвори амбасада во Молдавија, која веќе има амбасада во Тел Авив.